Бұл жеке тұлғаларға – Қазақстан резиденттеріне арналған цифрлық кепіл қойылып берілетін несие. Тұрғын үйді кепілге қойып, күтпеген шұғыл шығындарыңызды жабуға 100 миллион теңгеге дейін, ал автокөлікті кепілге қойып 20 миллион теңгеге дейін— құжат жинамай-ақ және банкке бармай-ақ несие ала аласыз, банк несие ұйымдастырғанына комиссия алмайды. Мақұлданған соманы Freedom SuperApp қосымшасында есептеп, өтініш бере аласыз. 

Несиенің мақсаты: тұтынушылық. 

Мақсатты растау: қажет емес. 

Несие валютасы: тек Қазақстан теңгесі. 

Несие мерзімі: 

• кепілге жылжымайтын мүлік қойып – 12 айдан 120 айға дейін;
• кепілге автокөлік қойып – 36 айдан 84 айға дейін. 

Несие сомасы: 

• кепілге жылжымайтын мүлік қойып – 1 миллионнан 100 миллион теңгеге дейін;
• кепілге автокөлік қойып – 500 мыңнан 10 миллион теңгеге дейін. 

Несие бойынша бастапқы жарна: жоқ. 

Банктің өтінімді қарастырғаны үшін комиссия: жоқ. 

Номиналдық пайыз мөлшерлемесі қарыз алушының санатына байланысты:

• Әдеттегі:
  • кепілге жылжымайтын мүлік қойып — 25%;
  • кепілге автокөлік қойып — 28%.
• Freedom Bank жалақы жобасына қатысушылар
  • кепілге жылжымайтын мүлік қойып — 24%;
  • кепілге автокөлік қойып — 26%.
• Freedom Bank пен серіктестерінің қызметкерлері:
  • кепілге жылжымайтын мүлік қойып — 21% (25% еңбек шарты бұзылғаннан кейін);
  • кепілге автокөлік қойып — 21% (28% еңбек шарты бұзылғаннан кейін).

Қарыз алушының несие беру кезіндегі барлық шығынын (кепілді сақтандыру, жылжымайтын мүлікті бағалауға комиссия, кепілді тіркеу үшін мемлекеттік баж салығы) банк төлейді және бұл шығын несие сомасынан ұсталады. 

Егер кепілге жылжымайтын мүлік қойсаңыз, онда кепілзаттың иесі міндетті түрде несие алушының өзі болуы керек немесе, егер мүлік ортақ меншікте болса, оның жұбайы болуы тиіс. Ал егер кепілге автокөлік қойсаңыз, онда кепіл иесі тек несие алушының өзі болуы қажет.

Кепілге қойылатын мүлікке ауыртпалық салынбаған, шектеу қойылмаған болуы керек.

Тұрғын үй

• 1970 жылдан кейін салынған көп пәтерлі тұрғын үйлердегі пәтерлер. 
• Тұрғын үйдің ауданы – кемінде 29 ш.м. болуы керек.
• Тұрғын үй Freedom Bank бөлімшелері ашылған қалаларда орналасқан болуы керек.
• Банк несие беруі үшін мүлікті тәуелсіз бағалау қажет — 15 000 ₸ (несие сомасынан ұсталады)*.
• Бірінші жылы тұрғын үйді сақтандыру керек — займ сомасының 0,1% (несие есебінен төленеді)*. Келесі жылдары сақтандыруды клиент өзі өз қаражаты есебінен ұзартуы тиіс.
• Онлайн кепілге қою — 11 194 ₸ (несие сомасынан ұсталады).

Автокөлік

• Қазақстан Республикасының аумағында тіркелген, рөлі сол жағындағы, жүріп тұрған жеңіл автокөліктер.
• Кепілге қабылдау кезіндегі пайдаланылған мерзімі:
  • ТМД және Қытайда жасалғандар – 3 жылдан аспаған болуы керек;
  • Басқа елдерде жасалғандар – 15 жылдан аспаған болуы керек;
• Кепілге коммерциялық көліктер қабылданбайды: олар – жеңіл жүк көліктері, фургондар, пикаптар, микроавтобустар, конвертеттер және лимузиндер.
• Тәуелсіз бағалау қажет емес.
• Бірінші жылға КАСКО сақтандыруы қажет — қарыз сомасының 2,5%*.
• Көлікті онлайн кепілге қою — 3 932 ₸ (қарыз сомасынан ұсталады)*.

*Көрсетілген сомалар клиенттің Кепілдік хатына сәйкес, кредит сомасы шотқа түскен кезде жалпы займ сомасынан автоматты түрде ұсталады.

Бағдарлама бойынша тек Қазақстан резиденттері ғана қарыз ала алады. 

Несиені 21 жастан бастап алуға болады. Қарыз алушының өтініш берген кездегі жасы 60-қа толмаған болуы керек. 

Несие алуға қосымша анықтамалар тапсырудың қажеті жоқ, банк қызметкерлері барлығын онлайн тексереді; 

Қосымша қатысушы (гарант) қоса алмайсыз. 

Несиеге өтінімді Freedom SuperApp ішінде қосымшаның басты бетіндегі «Кредиттер» бөлімінен беруге болады.

Өтінім беру

1. Қосымшаның басты бетінде «Кредиттер» → «Несие ресімдеу» → «Кепілмен несие» бөлімдерін басыңыз. Несие сипаттамасы мен шарттары көрсетілген экран ашылады. «Несие алу» деп басыңыз.  
2. Келісім шарттарымен танысып шығып, қабылдаңыз да, «Жалғастыру» батырмасын басыңыз.
3. Қосымшада көрсетілген телефон нөміріңізге OTP-код келеді. Нөмірді растау үшін кодты енгізіңіз.
4. Осыдан кейін скорингтік тексеріс және банк өнімінің талаптарына сай кепіл мүлкін іріктеу процесі басталады. Бұл процесс орта есеппен 3 минуттай уақыт алады — банк шешімін күтіңіз. Қажет болған жағдайда банк басқа екінші деңгейлі банктердегі шоттарыңыз туралы үзінді көшірмелерді қосымша сұратуы мүмкін.
5. Кепілге қоятын мүлікті таңдаңыз — жылжымайтын мүлік немесе автокөлік, содан кейін «Жалғастыру» батырмасын басыңыз.
6. Алдын ала мақұлданған несие сомасын таңдаңыз немесе несие лимитін арттыру үшін басқа екінші деңгейлі банктен алынған үзінді көшірмені жүктеңіз. Үзінді жүктелген жағдайда қосымша скорингтік тексеріс жүргізіледі (орта есеппен 3 минут). Банктің шешімін күтіңіз.
7. Одан кейін несие параметрлері көрсетілген бет ашылады — мақұлданған лимит шегінде қажет соманы таңдаңыз.
8. Несиені алатын мерзіміңізді және ай сайынғы төлем күнін белгілеңіз.
9. Төлем әдісін таңдаңыз — аннуитеттік немесе дифференциалдық төлемдер.
10. Сақтандыру компаниясын таңдаңыз, ал егер кепілге тұрғын үй ұсынылса, жылжымайтын мүлікті бағалайтын компанияны да белгілеу қажет. Егер сақтандыру мен бағалау қызметтерін Freedom экожүйесіне кірмейтін компаниялардан таңдасаңыз, несиені онлайн ресімдеу мүмкін болмайды. Бұл жағдайда Freedom Bank бөлімшесіне барып, тізімдегі кез келген сақтандырушы және бағалаушы компаниямен шарт жасасып, несиені ары қарай ресімдей аласыз.
11. Өтінім мақұлданған жағдайда, келесі кезеңге өтесіз — бұл кепіл ретінде ұсынған мүлік түріне байланысты болады.

Несие ресімдеу  

Егер кепілге тұрғын үй ұсынсаңыз:

1. Растау экраны ашылады: несие шарттарын және қарыздың жалпы сомасын мұқият тексеріңіз. Барлығы көңіліңізден шықса, «Ресімдеуге өту» батырмасын басыңыз.
   • Егер салық берешегі болса, банк оны өтеуді ұсынады. Қарыз өтелгеннен кейін несиені ары қарай ресімдей аласыз.
   • Қажет болған жағдайда банк сіздің цифрлық құжаттарыңызды (жеке куәлік пен жылжымайтын мүлікке құқық белгілейтін құжаттар) көруге рұқсат сұрауы мүмкін. Қосымшада көрсетілген телефон нөміріңізге OTP-код келеді — рұқсат беру үшін кодты енгізіңіз.
2. Бағалаушы маман жақын арада сізбен хабарласатыны туралы хабарламасы бар экран ашылады. Осы кезеңде қосымшаның басты бетіне оралуға болады. Бағалау процесі аяқталған соң, Freedom SuperApp ішінде «Жалғастыру» батырмасы бар хабарлама аласыз — соны басыңыз.
3. Егер некеде болсаңыз, жұбайыңыздың келісімін алу қажет. «Келісім сұрау» батырмасын басыңыз. Ал егер некеде болмасаңыз, неке қатынастарының жоқ екенін растау үшін egov.kz порталындағы профиліңізде «Неке туралы мәліметтер» бөлімінде мәртебеңізді жаңартыңыз.
4. Келісім сұралған соң немесе отбасы жағдайы жаңартылғаннан кейін қосымшаның басты бетіне оралуға болады. Жұбайыңыз келісім бергенде немесе egov.kz жүйесінде мәртебеңіз жаңартылғанда, қосымшада «Жалғастыру» батырмасы бар push-хабарлама келеді. Батырманы басыңыз.

Егер кепілге автокөлік ұсынсаңыз:

1. Келесі құжаттарды көруге рұқсат беріңіз:

   • Жеке куәлік.
   • Көліктің техникалық паспорты.

   Бұл үшін 1414 нөмірінен смс-пен келетін бір реттік кодты жазып, «Жіберу» батырмасын басыңыз.

2. Көліктің фотобақылауынан өтіңіз. Фото түсіргенде банк талаптарын сақтаңыз:
   • Фотосурет күндізгі уақытта түсірілуге тиіс;
   • Көліктің әр жағында 2–3 метр бос кеңістік болуы қажет;
   • Жарық шамдары өшірулі болуы керек;
   • Көліктің VIN-коды КҚТК-да (көлік құралын тіркеу куәлігі) көрсетілген нөмірмен сәйкес болуға тиіс.
3. Дайын болған кезде «Фотобақылауды бастау» батырмасын басыңыз.
4. Көлікті барлық қырынан фотоға түсіріңіз: сол жақтан, оң жақтан, алдынан және артынан, сондай-ақ VIN-кодтың фотосын жасаңыз (әдетте алдыңғы жолаушы орындығының астында кузовта орналасады).
5. Назар аударыңыз: фотосурет түсіру мәзірінен шықсаңыз, фотолар сақталмайды.
6. Жібермей тұрып, фотоларды тексеріңіз. Барлық дерек анық көрінсе, «Жіберу» батырмасын басыңыз.
7. Көлікті тексеру басталады. Бұл кезеңде де қосымшаның басты бетіне оралуға болады. Егер қабылданбаса — тиісті push-хабарлама келеді. Егер фотоларда қате болса — қайта түсіруді ұсынатын push-хабарлама келеді. Тексеріс сәтті өтсе — «Жалғастыру» батырмасы бар push-хабарлама аласыз. Батырманы басыңыз.
8. Растау экраны ашылады — несие шарттары мен қарыздың жалпы сомасын тексеріңіз. Барлығы дұрыс болса, «Ресімдеуге өту» батырмасын басыңыз.
9. Егер некеде болсаңыз, жұбайыңыздың келісімін алу қажет. Бұл үшін «Келісім сұрау» батырмасын басыңыз. Ал егер некеде болмасаңыз, неке қатынастарының жоқ екенін растау үшін egov.kz порталындағы профиліңізде «Неке туралы мәліметтер» бөлімінде мәртебеңізді жаңартыңыз.  
10. Келісім сұралған соң немесе отбасы жағдайы жаңартылғаннан кейін қосымшаның басты бетіне оралуға болады. Жұбайыңыз келісім бергенде немесе egov.kz жүйесінде мәртебеңіз жаңартылғанда, қосымшада «Жалғастыру» батырмасы бар push-хабарлама келеді. Батырманы басыңыз.

Құжаттарға қол қою

1. Құжаттар тексеріле бастайды. Құжаттар дайын болғаны туралы push-хабарлама келгенше күтіңіз. Хабарламаны ашып, «Қол қою» батырмасын басыңыз.
2. Несиеге қатысты құжаттар тізімі бар экран ашылады. Бұл — несиеден бас тартуға болатын соңғы кезең. Келіссеңіз, «Қол қою» батырмасын басыңыз.
3. Бейнесәйкестендіруден өтіңіз. Бұл үшін қосымшаға смартфон камерасын пайдалануға рұқсат беріңіз.
4. Бейнесәйкестендіруден өткен соң құжаттарға қол қойылып, жылжымайтын мүлікті кепілге қою процесі басталады. Процесс аяқталғанша күтіңіз.
5. Дайын! Несие сомасы бірден ағымдағы шотыңызға аударылады. 

Бұл жауапта несиені қалай өтеуге болатыны туралы толық айттық. 

Несиені өтеу күнін клиент өзі таңдай алады. Несиені кез келген уақытта айыппұлсыз толық немесе ішінара мерзімінен бұрын жаба аласыз. Сақтандыру қаражатымен де ішінара мерзімінен бұрын өтей аласыз. Егер өз қаражатыңызбен несиені мерзімінен бұрын ішінара жапқыңыз келсе, төлейтін сома кемінде екі ай сайынғы тұрақты төлем мөлшерінде болуы керек. 

Ақшалай несиені жеке тұлғалар — Қазақстан Республикасының резиденттері ала алады. 

Несиені 18 жастан 73 жасқа дейінгі тұлғалар тұтынушылық мақсаттарға ресімдей алады. 

Несие сомасы — 20 000 ₸-тан бастап 9 500 000 ₸ дейін болады. 

Несие валютасы: тек теңге. 

Несие мерзімі — 3 айдан 60 айға дейін. 

Несиеге алған ақшаның түсетін мерзімі қарыз алушының жасы мен қарыз сомасына байланысты болады: 

• Егер қарыз сомасы 600 000 ₸-ке дейін болса, ақша несие рәсімделген күні түседі.

• Егер қарыз сомасы 600 000 ₸-тен асса, ақша тек 24 сағаттан кейін беріледі.

Бастапқы жарна жоқ. 

Несиенің сыйақы мөлшерлемесі — 20%-дан басталады.

Сыйақының жылдық тиімді мөлшерлемесі (СЖТМ) — 46%-дан аспайды.

Несиені қарастыруға, ұйымдастыруға және беруге комиссия алынбайды.

Төлем мерзімі кешіктірілген жағдайда өсімпұл: мерзімі өткен күннен бастап алғашқы 90 күн ішінде кешіктірілген төлем сомасының 0,5%.

Freedom Bank-те әртүрлі мақсаттарға арналған несие өнімдері бар:

• Цифрлық ипотека;
• Цифрлық автонесие;
• Шұғыл қажеттіліктерге арналған несие;
• Кез келген мақсаттарға қолма-қол ақшалай несие.

Бұл өнімдер ресімдеу мен қарыз алу уақытын барынша қысқартады: ипотека — 2 күнге дейін, автонесие – 3 сағатқа дейін.

Сонымен қатар, Freedom Credit-те серіктестеріміздің желісінен тауар және қызмет түрлерін бөліп төлеу жүйесімен және несиеге ресімдеп алуға болады.

Кредитті Freedom SuperApp қолданбасы арқылы күн сайын сағат 09:00-ден 22:00-ге дейін ресімдей аласыз.

1. Қосымшаның басты бетінде «Жаңа өнім ашу» → «Несиелер» → «Ақшалай несие» деп басыңыз. Несие сипаттамасы мен шарттары бар экран ашылады. Ақпаратпен танысып шығып, егер шарттары сай келсе, «Несие алу» батырмасын басыңыз. 
2. Қажет соманы көрсетіп, қарыз мерзімі мен өтеу әдісін таңдаңыз: аннуитеттік немесе тең үлестермен. Сақтандыру қызметін қай компанияда ресімдейтініңізді де таңдай аласыз: Freedom Life-та немесе басқа компанияда: 

• Freedom Life компаниясын таңдасаңыз, сақтандыру пакеттерінің тізімі ашылады.
• «Басқа компанияны» таңдасаңыз, ресімдеуге болатын сақтандыру компанияларының тізімі көрсетіледі. Егер сақтандыру полисін басқа компанияда ресімдесеңіз, несиені онлайн ресімдеуді аяқтау мүмкін болмайды. Бұл жағдайда Freedom Bank бөлімшесіне баруыңыз қажет: сол жерде кез келген компаниямен шарт жасасып, несие ресімдеуді жалғастыра аласыз.

Болған соң «Мақұлдау алу» деп басып, несие алуға өтінім беріңіз. 

3. Өтінімді өңдеу барысында скорингтік жүйе деректерді тексереді. Өңдеу нәтижесінде жүйе өтінімді мақұлдайды немесе несие беруден бас тартады. Егер өтінім мақұлданса, несиенің негізгі шарттары көрсетілген экран шығады. Келіссеңіз, «Растау» батырмасын басыңыз.

4. Өтінімді ресімдеу үшін цифрлық жеке куәлікті пайдалануға рұқсат беру қажет. Бұл үшін сізге 1414 нөмірінен SMS-пен келетін бір реттік кодты енгізіңіз. Егер код келмесе, құжаттың сканын, көшірмесін немесе цифрлық нұсқасын PDF форматында жүктеп, «Жіберу» батырмасын басыңыз.

5. Бейнесәйкестендіруден өтіңіз — қосымшаға смартфон камерасына рұқсат беріңіз, содан кейін «Бейнесәйкестендіруді бастау» батырмасын басып, экрандағы нұсқауларды орындаңыз. Бейнесәйкестендіруден кейін банк қызметкерімен бейнеқоңырау өткізу қажет — интернет байланысыңыз тұрақты екеніне көз жеткізіп, «Бейнеқоңырауды бастау» батырмасын басыңыз.

6. Бейнетексеруден өткен соң, сауалнамадағы жеті сұраққа жауап беріңіз. Бұл сіздің қауіпсіздігіңіз үшін маңызды. 
7. Одан кейін банк қызметкерімен видеоқоңырау арқылы байланысыңыз. Интернет байланысының тұрақты екеніне көз жеткізіп, «Видеоқоңырауды бастау» батырмасын басыңыз.

8. Бейнеқоңыраудан кейін құжаттарға қол қою керек — беттегі барлық құжатпен танысып шығыңыз да, келіссеңіз «Қол қою» деп басыңыз. Содан соң SMS немесе Push-хабарламамен келген кодты енгізіңіз.
9. Егер қарыз сомасы 600 000 ₸-ке дейін болса, сіз «Несие ресімделді» деген қорытынды экранды көресіз. Ақша сол күні түсуі керек, түскен кезде Push-хабарлама аласыз.

Егер қарыз сомасы 600 000 ₸-тен асса, ақшаны тек 24 сағаттан кейін ғана алуға болады. 24 сағат өткен соң сізге құжаттарға қол қою қажеттігі туралы Push-хабарлама келеді:

1. Хабарламаны ашыңыз.
2. «Қол қою» деп басыңыз.
3. Бейнесәйкестендіруден өтіңіз — «Бейнесәйкестендіруді бастау» деп басып, экрандағы нұсқауларды орындаңыз.
4. Беттегі барлық құжатпен танысып шығып, егер келіссеңіз, «Қол қою» деп басыңыз. Содан соң SMS немесе Push-хабарламамен келген кодты жазыңыз.
5. Экранда «Несие ресімделді» деген соңғы хабарлама шығады. Қаражат сол күні түсуі керек, түскен кезде сіз Push-хабарлама аласыз.

Кредитті Freedom SuperApp қолданбасы арқылы күн сайын 09:00-ден 22:00-ге дейін ресімдей аласыз.

Ақшалай несиеңіздің шартын банк сайтындағы қарыз алушының Жеке кабинетінен көріп, жүктеп ала аласыз.

Құжат несиеңіз туралы ақпарат берілген бөлімде электрондық түрде ұсынылған.