Сыйақы есептелуі әр ай сайын жүргізіледі. Сыйақының мөлшері депозиттік шоттағы күнделікті қалдыққа байланысты болады, ал сыйақы мөлшерлемесі жоғарыдан төменге немесе төменнен жоғарыға өзгеруі мүмкін.

Қалдық барлық валюталар бойынша бірлесіп есептеледі. Freedom инвестициялық валютасындағы шоттағы қалдық сыйақыны есептегенде ескеріледі. 

Қазақстан Республикасының азаматтарына, резидент және резидент емес тұлғаларына барлық валюта бойынша қолданыстағы мөлшерлемелер Deposit Card бетінде көрсетілген.

Қазақстан азаматтары үшін сыйақы мөлшерлемелерін өзгерту шарттары:

• Егер картаңызды ашқан күні немесе келесі күні 100 000 ₸-мен жоғары сомаға толтырып, айдың соңына дейін күнделікті осы соманы сақтап отырсаңыз, бұл сомаға жоғары банк мөлшерлемесі есептеледі.
• Егер картаңызды ашқан күні немесе келесі күні де 100 000 ₸-мен жоғары сомаға толтырмасаңыз және айдың соңына дейін күнделікті 100 000 KZT соманы шотыңызда сақтамасаңыз, минималды банк мөлшерлемесі есептеледі.

Депозиттің қолданылу мерзімі: 

• ҚР азаматтарына — депозит ашылған сәттен бастап 12 ай;
• Қазақстанда тұруға ықтиярхаты бар шетел азаматтарына, резидент емес тұлғаларға және «Азаматтығы жоқ тұлға куәлігі» құжаты бар тұлғаларға — депозит ашылған сәттен бастап 60 ай.

Депозит мерзімі аяқталғанда автоматты түрде сол мерзімге шексіз ұзартылып отырады. Ұзартылған жағдайда сыйақы мөлшерлемесі сол күнгі қолданыстағы шарттарға сәйкес белгіленеді.

Сыйақы есептелуі әр ай сайын жүргізіледі. Сыйақының мөлшері депозиттік шоттағы күнделікті қалдыққа байланысты болады, ал сыйақы мөлшерлемесі жоғарыдан төменге немесе төменнен жоғарыға өзгеруі мүмкін.

Қалдық барлық валюталар бойынша бірлесіп есептеледі. Freedom инвестициялық валютасындағы шоттағы қалдық сыйақыны есептегенде ескеріледі. 

Қазақстан Республикасының азаматтарына, резидент және резидент емес тұлғаларына барлық валюта бойынша қолданыстағы мөлшерлемелер Deposit Card бетінде көрсетілген.

Қазақстанда тұруға ықтиярхаты бар шетел азаматтары және резидент еместер үшін сыйақы мөлшерлемелерін өзгерту шарттары:

• Егер картаңызды ашқан күні немесе келесі күні 10 000 000 ₸-мен жоғары сомаға толтырып, айдың соңына дейін күнделікті осы соманы сақтап отырсаңыз, бұл сомаға жоғары банк мөлшерлемесі есептеледі.
• Егер депозиттен қаражат шешіліп, сол күні қайта толықтырылып, 10 000 000 ₸-мен төмендемесе, сыйақы жоғары мөлшерлеме бойынша есептеледі.
• Егер картаңызды ашқан күні немесе келесі күні де 10 000 000 ₸-мен жоғары сомаға толтырмасаңыз және айдың соңына дейін күнделікті 10 000 000 KZT соманы шотыңызда сақтамасаңыз, минималды банк мөлшерлемесі есептеледі.

Маңызды ескертулер

Сыйақы төлемі тек жинақталған сыйақы сомасы 10 000 ₸ немесе одан жоғары болған жағдайда (әр валюта үшін бөлек) жүзеге асырылады.

Салық заңнамасына сәйкес жеке табыс салығы (ЖТС) шегеріледі.

Мысал 1

KZT депозиті: 5500 ₸ – 10% ЖТС = 4950 ₸.

USD депозиті: 5 $ – 10% ЖТС = 4,5 $ (2208,78 ₸).

Еуро, Ресей рублі, Қытай юані, Түркия лирасы және Біріккен Араб Әмірліктері дирхамы депозиттері бойынша төлем жасалмайды, өйткені ең төменгі сомаға жетпейді.

Мысал 2

KZT депозиті: 5500 ₸ – 10% ЖТС = 4950 ₸.

USD депозиті: 27 $ – 10% ЖТС = 24,3 $ (11 927,41 ₸).

Еуро, Ресей рублі, Қытай юані, Түркия лирасы және Біріккен Араб Әмірліктері дирхамы депозиттері бойынша төлем жасалмайды, өйткені ең төменгі сомаға жетпейді.

Бұл жағдайда тек АҚШ доллары депозиті бойынша төлем жасалады.

Сыйақыны карта баптауларынан кез келген уақытта қосуға болады.

Сыйақы есептеу функциясын таңдаған кезде картаңыз депозиттік шотқа байланыстырылып, оның балансын көрсетеді. Карта бойынша шығыс операцияларын жасағанда ақша депозиттен есептен шығарылады, ал картаны толықтырған кезде қаражат депозитке түседі. Депозитке ақша аудару да оңай әрі жылдам: картаны толықтырсаңыз, депозит те автоматты түрде толықтырылады.

Қазақстан азаматтары үшін шоттағы күнделікті қалдық 100 000 теңгеден (немесе баламасы) жоғары  болған жағдайда, сыйақы айына бір рет есептеледі*. Егер айдың бір күнінде депозиттік шоттағы жиынтық қалдық 100 000 теңгеден аз болса, барлық валюталар бойынша сыйақы талап етілгенге дейінгі салым мөлшерлемесі бойынша есептеледі.

Қазақстанда тұруға ықтиярхаты бар шетел азаматтары, басқа мемлекеттердің азаматтары және азаматтығы жоқ тұлғалар үшін шотаағы күнделікті қалдық 10 000 000 теңгеден (немесе баламасы) жоғары болған жағдайда, сыйақы айына бір рет есептеледі*. Егер айдың бір күнінде депозиттік шоттағы жиынтық қалдық 10 000 000 теңгеден төмен болса, сыйақы 0,04% мөлшерлемесімен есептеледі. Дегенмен Қазақстан Республикасының заңнамасына сәйкес жеке табыс салығын шегергеннен кейін, валюта бойынша есептелген сыйақы сомасы кемінде 10 000 ₸ баламасында болған кезде ғана сыйақы төленеді.

Барлық валюталар бойынша ҚР азаматтарына, резиденттерге және бейрезиденттерге арналған өзекті мөлшерлемелерді Deposit Card парақшасынан көре аласыз. SuperCard мөлшерлемелері Deposit Card мөлшерлемелерімен бірдей.

* Freedom инвестициялық валютасындағышоттағы қалдық та сыйақыны есептеу кезінде ескеріледі.

Маңызды: бейрезиденттерге SuperCard және Deposit Card бірден сыйақы есептеу функциясымен ашылады — оны өшіру мүмкін емес.

Депозит бойынша пайыздар ай сайын бірінші жұмыс күні есептеледі. Есептеу кезінде бір айдағы сыйақының жалпы сомасы есепке алынады.

Бұл салым сомасына есептелген пайыздардың ай сайынғы өсімі. Осылайша, депозиттегі сома өседі, ал кейінгі есептеулер ұлғайған сомаға жүргізіледі.

Барлық депозиттер Қазақстанның депозиттерге кепілдік беру қорымен сақтандырылған. Қор теңгелік шоттағы 10 миллион теңгеге дейінгі және шетел валютасымен 5 миллион теңгеге дейінгі соманы жабады.  Шарттар туралы толығырақ ақпаратты «Құжаттама» бөлімінен таба аласыз.

Депозитті толтырғанда кіріс қалдығы, ал қаражатты шешкенде шығыс қалдығы есепке алынады. Егер клиент күн ішінде шотты толтырса, қалдық келесі күні есепке алынады. Ал егер сол күні қаражат шешсе, қалдық сол күннің өзінде есепке алынады.  

Мысал 1. Толтыру

Егер шотта 10 000 ₸ (төменгі қалдықтан аз) болса және сіз сол күні шотқа 20 000 ₸ толтырсаңыз, сол күнге тек 10 000 ₸ кіріс қалдығына минималды мөлшерлеме бойынша сыйақы есептеледі. Толтырған 20 000 ₸ келесі күні есепке алынады.  

Мысал 2. Қаражат шешу

Егер шотта 10 000 ₸ (төменгі қалдықтан аз) болса және сіз 7 000 ₸ шешсеңіз, сол күнге тек 3 000 ₸ шығыс қалдығына минималды мөлшерлеме бойынша сыйақы есептеледі.  

Мысал 3. Қаражат шешу және толтыру

Егер шотта 50 000 ₸ (төменгі қалдықтан аз) болса, және сол күні 10 000 ₸ шешіп, одан кейін шотқа 60 000 ₸ толтырсаңыз (00:00 дейін), сол күнге 100 000 ₸ шығыс қалдығына минималды мөлшерлеме бойынша сыйақы есептеледі.  

Мысал 4. Толтыру және тағы толтыру

Егер шотта 10 000 ₸ (төменгі қалдықтан аз) болса, және сол күні алдымен 30 000 ₸, кейін тағы 60 000 ₸ толтырсаңыз (00:00 дейін), сол күнге 100 000 ₸ шығыс қалдығына минималды мөлшерлеме бойынша сыйақы есептеледі.  

Мысал 5. Толтыру және қаражат шешу

Егер шотта 0 ₸ (депозит ашылған күн емес, төменгі қалдықтан аз) болса және сол күні шотқа 200 000 ₸ толтырып, 100 000 ₸ шешсеңіз (00:00 дейін), сол күнге 100 000 ₸ шығыс қалдығына минималды мөлшерлеме бойынша сыйақы есептеледі.  

Мысал 6. Толтыру және қаражат шешу

Егер шотта 100 000 ₸ (төменгі қалдыққа тең) болса және сол күні 200 000 ₸ толтырып, 100 000 ₸ шешсеңіз (00:00 дейін), сол күнге 200 000 ₸ шығыс қалдығына жоғары мөлшерлеме бойынша сыйақы есептеледі.  

Мысал 7. Толтыру және қаражат шешу

Егер шотта 100 000 ₸ болса және сол күні 50 000 ₸ толтырып, 100 000 ₸ шешсеңіз (00:00 дейін), сол күнге 50 000 ₸ шығыс қалдығына минималды мөлшерлеме бойынша сыйақы есептеледі.  

Мысал 8. Толтыру және қаражат шешу

Егер бүгін шотта 10 000 ₸ болса және 00:00-ге дейін 20 000 ₸ толтырсаңыз, сол күнге тек 10 000 ₸ кіріс қалдығына минималды мөлшерлеме бойынша сыйақы есептеледі. Егер одан кейін 5 000 ₸ шешсеңіз, тек қалған 5 000 ₸-ге минималды мөлшерлеме бойынша сыйақы есептеледі.

Жоқ, сыйақы 30 күндік ай және 360 күндік жыл есебімен төленеді. Айдағы күн саны 28, 29 немесе 31 болса да, сіз 30 күнге есептелген сыйақыны аласыз.

Депозит пайызы картаны айдың кез келген басқа күні ашқан кездегімен бірдей есептеледі. 

Қалған қаражат өнім аясындағы барлық валютамен жиынтық түрде есептеледі, оның ішінде іске қосқан болсаңыз, Freedom валютасы да бар.

Пайыз қалай есептеледі

Қазақстан азаматтарына: 

• егер картаны ашқан күні немесе келесі күні картаңызды толықтырып, айдың соңына дейін күнделікті қажетті қалдық соманы сақтап отырсаңыз, сыйақы максималды номиналды мөлшерлеме бойынша есептеледі;
• егер депозиттен ақша шешіп алып, қалдық сома қажетті мөлшерден азайып қалса, бірақ сол күні депозитті қайта толықтырып, қалдық соманы қажетті мөлшерге жеткізсеңіз, сыйақы максималды номиналды мөлшерлеме бойынша есептеледі;
• егер картаны ашқан күні картаны қажетті мөлшерден аз сомаға толықтырып, келесі күні Freedom валютасын қосымша толықтырсаңыз, ал теңгедегі және Freedom валютасындағы қалдық соманы қоса есептегенде, жалпы сома қажетті мөлшерге жетіп, оны айдың соңына дейін күнделікті сақтап отырсаңыз, сыйақы максималды номиналды мөлшерлеме бойынша есептеледі;
• егер картаны ашқан күні Freedom валютасын қажетті мөлшерде немесе одан жоғары сомаға толықтырып, KZT-пен есептегендегі жалпы қалдық сома қажетті мөлшерге жетсе және осы қалдық соманы айдың соңына дейін күнделікті сақтап отырсаңыз, сыйақы максималды номиналды мөлшерлеме бойынша есептеледі;
• егер картаны ашқан күні де, келесі күні де емес, кейінірек толықтырсаңыз немесе қажетті жиынтық қалдық соманы ең болмаса бір күн сақтамасаңыз, ай қорытындысы бойынша сыйақы минималды номиналды мөлшерлеме бойынша есептеледі.

Қазақстанда тұруға ықтиярхаты бар резидент емес тұлғалар мен шетел азаматтарына: 

• егер картаны ашқан күні немесе келесі күні картаңызды қажетті мөлшерге толықтырып, айдың соңына дейін күнделікті осы соманы сақтап отырсаңыз, сыйақы максималды номиналды мөлшерлеме бойынша есептеледі;
• егер депозиттен ақша шешіп алып, қалдық сома қажетті мөлшерден азайып қалса, бірақ сол күні депозитті қайта толықтырып, қажетті сомаға жеткізсеңіз, сыйақы максималды номиналды мөлшерлеме бойынша есептеледі;
• егер картаны ашқан күні де, келесі күні де емес, кейінірек толықтырсаңыз немесе қажетті жиынтық қалдық соманы ең болмаса бір күн сақтамасаңыз, сыйақы минималды номиналды мөлшерлеме бойынша есептеледі.

Жоғарыда көрсетілген барлық жағдайда сыйақы әр валюта бойынша есептелген сыйақы сомасы 10 000 ₸-ке баламалы немесе одан жоғары сомаға жеткен жағдайда төленеді. Егер Қазақстан Республикасының салық заңнамасында көзделсе, жеке табыс салығы шегеріледі.

1-мысал: 

• KZT депозиті — есептелгені 5500 KZT - 15% ЖТС = 4675 KZT;
• USD депозиті — есептелгені 5 USD - 15% ЖТС = 4,25 USD;
• EUR депозиті — есептелгені 0,01 EUR - 15% ЖТС = 0 EUR;
• RUB депозиті — есептелгені 10 RUB - 15% ЖТС = 8,5 RUB;
• CNY депозиті  — есептелгені 0;
• TRY депозиті — есептелгені 0;
• AED депозиті — есептелгені 0.

• Бұл жағдайда ешбір депозит бойынша төлем жасалмайды.

• 2-мысал:

• KZT депозиті — есептелгені 5500 KZT - 15% ЖТС = 4675 KZT;
• USD депозиті — есептелгені 27 USD - 15% ЖТС = 22,95 USD;
• EUR депозиті — есептелгені 0,01 EUR - 15% ЖТС = 0 EUR;
• RUB депозиті — есептелгені 0,01 RUB - 15% ЖТС = 0 RUB;
• CNY депозиті  — есептелгені 0;
• TRY депозиті — есептелгені 0;
• AED депозиті — есептелгені 0.

Бұл жағдайда тек USD депозитіне төлем жасалады.