Binance — әлемдегі ең ірі криптобиржалардың бірі. Оның көмегімен криптовалюталар мен басқа да криптоактивтерді сатып алуға және сатуға болады.

Binance Kazakhstan — Binance жаһандық платформасының Қазақстанға бейімделген жергілікті нұсқасы. Ол Қазақстанда ресми түрде жұмыс істейді және оның қызметі Қазақстан Республикасының қаржы нарығын реттеу және дамыту агенттігі (ҚНРДА) тарапынан реттеледі.

Binance Kazakhstan Қазақстан заңнамасына сәйкес жұмыс істеп, пайдаланушыларды жергілікті талаптарға сай тексерістен (KYC) өткізеді, теңгемен төлем жасау мүмкіндігін ұсынып, жергілікті банктермен, соның ішінде Freedom Bank-пен ынтымақтасады.

Ал Binance-тің халықаралық нұсқасы басқа нормаларға сәйкес реттеледі. Сондықтан Қазақстан аумағында оны пайдалануға шектеу қойылуы мүмкін. 

Жаһандық Binance платформасында тіркелген пайдаланушылар криптовалюталарды теңгемен сатып алып-сата алмайды, сондай-ақ криптобиржадағы шотын теңгемен толықтырып немесе қаражатты теңгемен шығара алмайды. Бұл мүмкіндіктерді тек Binance Kazakhstan платформасында тіркеліп, KYC верификасынан өткен пайдаланушылар пайдалана алады.

Қазіргі уақытта P2P саудасы Binance Kazakhstan пайдаланушыларының шектеулі тобына тестілік режимде ұсынылып отыр.

Ал Binance-тің қалған негізгі мүмкіндіктері қазақстандық платформада толық көлемде ұсынылған. Олардың қатарында 400-ден астам криптовалюта мен трейдингке арналған түрлі құралдар бар.

Binance Kazakhstan екі факторлы аутентификацияны, деректерді шифрлауды қолданады және ҚНРДА талаптарын сақтайды.

Дегенмен, аккаунт пен қаражаттың қауіпсіздігіне пайдаланушының өзі де жауапты. Сондықтан барлық құпиясөзді қауіпсіз жерде сақтап, аккаунтты қорғауға арналған қауіпсіздік функцияларының барлығын қосуға кеңес береміз. 

Профиліңіздегі «Binance KZ» немесе «Binance Kazakhstan» деген тег арқылы біле аласыз. Мұны тексерудің жолы:

Binance сайтында — аккаунтыңыздың белгісіне меңзерді апарыңыз. Ашылған терезеде аватарыңыз бен атыңыздың астында географиялық тег көрсетіледі.

Binance мобильді қосымшасында — Binance логотипі орналасқан жоғарғы сол жақ бұрыштағы белгіні басып, «Аккаунт туралы ақпарат» бөліміне кіріңіз. Мұнда да аватар мен атыңыздың астында географиялық тег көрсетіледі.

Егер сіз тек жаһандық Binance платформасында тіркелген болсаңыз, бірақ Қазақстан банктерінен/не теңгемен қаражат аударғыңыз келсе, онда Binance Kazakhstan-да қайта тіркеліп, KYC верификациясынан өтуіңіз қажет. Тіркелген кезде жаһандық  Binance-қа тіркелу үшін қолданған e-mail-ден бөлек жаңа e-mail қолдану керек.

Егер сіз жаһандық және қазақстандық платформада да тіркелген болсаңыз, аккаунттар арасында ауысқан кезде «Binance KZ» немесе «Binance Kazakhstan» тегінің бар-жоғын міндетті түрде тексеріңіз.

Бір пайдаланушыға ең көбі жаһандық Binance-та — 1 верификацияланған аккаунт, Binance Kazakhstan-да — 1 верификацияланған аккаунт рұқсат етіледі. 

Иә, егер сіз Қазақстан банктерінің картасынан Binance криптошотын толықтырып, қаражатты сол тәсілмен кері шығарғыңыз келсе және криптовалютаны теңгемен сатып алғыңыз келсе, онда тіркелуіңіз қажет.

Binance Kazakhstan-ға қалай тіркеліп, верификациядан өту туралы осы нұсқаулықта көрсетілген.

Тіркелген кезде «Binance Kazakhstan платформасында тіркеуді жалғастырып, фиат функциясын қосқыңыз келе ме?» деген сұрақ шыққан кезде, «Иә» деп таңдаңыз.  «Жоқ» деп таңдасаңыз, жаһандық Binance платформасында тіркелесіз. 

Freedom-ның Binance шотын толықтыру мен  қаражат шығару қызметін төмендегі талаптардың барлығына сай келетін клиенттер пайдалана алады:

• сіз Қазақстан Республикасының азаматы немесе резидентісіз (оның ішінде ҚР-да тұруға ықтиярхаты бар тұлғалар да бар);  
• сізде Freedom-нан теңгемен ашылған шоттар мен Mastercard төлем жүйесі бар карталар ашылған. Қазіргі уақытта Visa карталарында Binance-қа қаражат салу мен шығару мүмкіндігі жоқ;  
• сіз Binance Kazakhstan-да (қазақстандық платформасында) тіркеліп, KYC верификациясынан өткенсіз.  

Назар аударыңыз: қаражат салу мен шығару операциясының барлығы Binance Kazakhstan платформасындағы жеке кабинетте жасалады.

eResidency бағдарламасы арқылы ЖСН алған Freedom клиенттері Binance Kazakhstan-нан теңгемен қаражат салып, шығара алмайды. 

eResidency бағдарламасы арқылы ЖСН алған Freedom Bank клиенттері Binance Kazakhstan арқылы теңгемен қаражат салып, шығара алмайды.

Платформаны толық пайдалану үшін Қазақстандағы ХҚКО-да ресімделген ресми ЖСН керек.